从前的日记

正式将以前spaces嘅日记搬家至blogbus 新开一个blog>从前的日记<用黎放~~~

呢段无聊无知幼稚嘅回忆 依然会系度 咔咔~~

 今日年初二开年 下午等表姐翻到黎就好好荡荡甘黎左我屋企
开始疯狂拍照行动...超低能...
同肥婆表妹疯狂扮情侣~~相识结合争吵怀孕样样扮齐
最后连低能儿都扮埋...劲搞笑...
仲大街大巷系度扮有feel 扮"车模" 扮挑逗 扮孬头...超低能...
初四继续 不见不散! ps 好开心spaces终于都可以摆flash~~slide又有中文版~~正!!!不过上边呢个唔系我整嘅
我表姐整嘅~~
-------------------------------------------------------------------------------
前几日睇左林狗上年个talk show~~~继上年嘅"多晒"之后"超低能 劲搞笑"~~~正
感觉今年讲嘅野多左 而每样野都精简左...
最后首"劲歌金曲"更系正爆~~得闲再讲

大年初一 恭祝所有人新嘅一年事事顺利... 始终最紧要嘅系身体健康啊... 新嘅一年嘅第一日 天气唔系甘好 天阴阴甘 晚黑仲落雨tim... 寻晚屋企前后两条村狂左烟火秀...狂放劲多烟花爆竹... 好多年都无见过甘多人放烟花拉...总算有翻少少新年气氛... 虽然唔合法 但系新年流流 相信好多执法者都只眼开只眼闭嘎拉... 尤其系我地呢d算系比较偏僻嘅地方... 咔咔...寻晚过左十二点之后 收到一个消息 sammi演唱会终于系三月开始预订拉... 好期待亦都好担心book唔到...因为真系好想睇...希望能够心想事成拉... 今年最希望系能够考到本科...希望希望真系能够心想事成...

 

今日去左睇门徒 好好睇
好容易好直白嘅一个故事
尔冬升始终系尔冬升 系尔冬升执导下嘅演员都有好好嘅发挥

刘德华嘅转变 惊喜
吴彦祖嘅自然 惊喜
张静初嘅投入 惊喜
更估唔到古天乐做d甘嘅角色(但系我始终认为吸毒嘅人唔会有佢甘大只甘接受feel咯)

最无惊喜嘅系袁靓靓 唔系做得唔好 而系佢本来就应该做得甘好!!!

系本spaces最上面嘅"讲故事"度写得好详细~~咔咔 呢度就随便写下算拉
有兴趣可以去睇睇

         

         

         
爱
愿天下有情人终成眷属

情人节快乐

2007/1/12 星期一 阴今天早上起床打开电脑然后去刷牙,然后一边吃着早餐一边上网.到差不多十点,换好了衣服准备出门.这时妈妈偷鸡买了一棵水仙回来,然后又匆忙的去上班了.我拿出盆子用水把它浸好.然后就出门了.到了车站,开始烦恼究竟该坐什么车好.想了想,没有头绪.只要能到地铁站的车就好了.先来了架240,我没上.然后242来了,看着一个个拿着大袋小袋大箱小箱行李的民工硬往上挤,赶着去火车站坐火车回老家.我实在是不忍心再和他们争了.517来了,也很多人,而且这车由于地铁施工,路线实在复杂,需时也久,实在郁闷,也就没上了.后来又来了架240,由于我家楼下是240总站后的第一个站,人很少.于是想着,就上去了.上去了才想到,不知道这车是否经过地铁站呢?我坐240最远也就是华师而已.而且过了岗顶又不经过天河城.那究竟从那拐弯我实在不清楚.况且三号线的岗顶站在哪我也实在不知道.想着想着就决定不想了,开始发呆.突然醒起今天要去找的发型师benny好像是星期一休息的.马上从钱包拿出他的卡片,真的,今天他休息.唉...想着也就算了,随便找个人弄就ok了,反正我要求也不很高.车终于拐弯到体育东路了,太好了,一下车就有地铁站了.进了地铁,上了车,人很少,毕竟这里是体育中心站,从总站开出的第一个站而已.坐下后很快就到体育西站了,这站的人实在是多啊!一轮拼抢后,我隔壁的座位坐了一对年龄大约七八岁的年轻小兄弟.他们俩挤一个位,当然也把我给挤死了.后来他们的母亲也加入战团,大屁股坐到我旁边了,两兄弟则坐他妈的大腿山.这时候更挤了.从他们的口音可以肯定他们不是广州人,他们把"长"寿路读成了"昌"寿路.挤着挤着就到了公园前了.下车后直奔五月花.进了sosoclub.小姐问我有没有相熟的师傅,我说他今天应该休息吧,随便吧.她居然说今天所有的发型师都在.太好了,我就扔下一句"benny!" 当时是11:30,benny要12点才回来.我就说那我先去逛逛吧.逛了一会五月花,没啥收获,就到了北京路的M记拜祭五脏庙.吃完后又在北京路逛了逛,都12:30了我才又去到了发廊.benny很细心的剪,剪了快1个钟(只是剪的部分哦),心里暗想,不管好不好看,这80块也已经很值得了!我不太在意最后出来是怎么样(当然丑到实在接受不了就肯定不行咯),他那么细心认真,在我冲水后还在加工,我觉得就够了.最后出来的效果还算满意.剪完头发以后就去了北京路逛,买了件衣服.又看中了另外一件,不过身上钱不够.想着办法发了个短讯问表姐手头上有没有.谁知她身上的钱比我还要少.那也没办法了.准备坐地铁走了.进地铁站的时候发现一件可以代替刚才看中那件的衣服,而且比那便宜,就买下了.这回很幸运,不用等地铁,而是地铁在等我.到了东站,去了ikea买了之前早已计划好要买的家居用品就走了.准备坐506的时候又很幸运地不用等车而是车等我.上了车还有位置坐.回到家很累,洗澡吃饭后,发现有最新的下了,赶忙就下了.刚下完,妈又开始玩她的拖拉机了.妈之前一直埋怨我的q名有个"黑"字,邪着她,让他输.为了证明是实力问题与此无关还特意用我之前申请的备用q把名字改成了"八八八".谁知她真的在短短时间内就赢到上100分了,迷信再一次击败了科学.她打机我就看电视,新的电视剧"迎妻接福"挺无聊的,没什么厉害的阵容,也不想听到女主角钟嘉欣那尖破耳朵的声音.就转台去华娱看很久以前的康熙了.当妈打完后,就马上看了...很精彩然后和友人聊了会q,聊起了"新好女人"里那些恶心得要命的东西弄的"shi房chai".又聊起了"都市闲情"入面教煮饭的"靠得住"男人和安德尊.然后便睡了.今天过得真的很开心啊!  (<<--小学流水账日记必备句型"今天过得真的很XX啊!")2007/1/13 星期二 阴今天起床后还是打开电脑就去刷牙吃早餐...中午看了部电影.看完后准备到楼下买些东西,谁知道又碰上了偷鸡去买桃花的妈妈(怎么天天都偷鸡去买花啊?).于是被迫把桃花抬上了七楼,然后再去买东西.累得要命之际,手机响了.原来是手机维修那里说我手机弄好了,叫我有空去拿.我坐着发觉自己很有空,于是就去拿了.累死我拉.今天足足走了21层楼啊!真累!回来后准备写篇日记,当我写完的时候打开相册想贴个图,谁知道整个浏览器死了.害我打了快半个钟的东西全没了.真的很想打爆它,spaces!flickr相册!还有我的电脑!于是暂时放弃了就去洗了个澡,妈也回来了.我冷静后又重新写了一次(就是大家看到的).写了一半就要吃饭了,很怕会突然又死了,所以在吃饭前把写好的一大半发表出去再说了.今天很累,可是过得真的很有意义啊! (<<--小学生流水日记必备,一句无论再辛苦那天过得再无聊也得要说自己过得很有意义来骗老师)

索爱导航键出名"神" 我亦都未能幸免系忍受左几个月之后 今日终于摞翻张保修单去整...好不幸...换导航键要等7-15个工作日it means...过年都可能无手机用...过年发唔到短讯...收唔到短讯...救命... 讲开手机 最近动感终于推出4蚊包月免费接听所有来电嘅服务好似几吸引 迟下申请

今日中午翻左婆婆屋企食饭 午饭过后同左啊妈去办年货由于全家对"糖"呢样物体都无乜兴趣嘅关系上年过年d糖都仲有几粒未能清除 所以今日嘅目标好明确---not too much sugar于是当我同啊妈都担心唔够嘅时候 我地好清醒甘话够晒!!!毕竟过年黎我屋企嘅人唔多 为免剩余嘅糖要毒害全家一年...我们停手茑...今日以"粒"计 买得最多嘅系香口胶足足买左4罐近期十分喜爱嘅金银花菊花罗汉果味嘅extra... 翻到屋企之后 实在痛苦地开始左搞卫生大行动虽说年廿八洗邋遢 但系因每年年廿八有饭局 而且一日系绝对搞唔掂嘅关系总会提前少少就搞...再一次发现我房间实在太多无谓野 足足又再清除两大袋嘅垃圾而且毫无头绪呢d垃圾点解会一次又一次甘清除都依然可以继续有下一次当然 呢d所谓垃圾都只系被遗弃嘅野而已(突然谂起<异域>)由于自己动作缓慢如一八十高龄人士 搞足一个下午都只系搞好左一半十分庆幸自己没有"年廿八 洗邋遢"...听日继续... 今日下午突然转吹北风 将洗左嘅野都吹干得七七八八今晚老豆单位团年饭 每年都好期待呢一晚(截至目前为止依然系失望)因为有奖抽...上年听讲有数码相机...当然 以我老豆一路以来嘅运气能抽到大奖嘅机会真系微乎其微...再当然 我梗希望会有"大"野翻拉!!哈哈而且最近唔知点解好希望有部数码相机但系倘若要摞出几千鸡去买我又觉得无甘嘅必要毕竟自己唔系d乜发烧友...纯粹觉得无聊好玩先想要姐...九点半 老豆开门声传入耳中 满心期待他的身影和手中...哇!!!手中真系有野啊...!!!but...好失望...唔系因为份奖唔够大 而系因为太大...我点都唔相信会有数码相机会用个连只锅都装得落嘅盒黎装嘎拉...顶...又益左啊妈...一只劲重嘅"无油烟健康锅"...我老豆d抽奖礼物从来无益过我...抽过手袋比啊妈 抽过d野比佢自己就系点都未轮到我!!!一轮惨叫..."我部数码相机啊..."之后 老豆话仲有手机tim..."我部数码相机啊...我部手机啊..."尽管唔知型号 但系礼物等级系sony数码相机之上而且老豆公司每年抽奖都一向大方嘅情况下...呢部相机型号应该都ok新ok贵...甘部手机米...ah!!!!!!!!!!!!!!!!!!!!!!!!!!!!!!!!!!! 当然只能无奈 更无奈嘅情况下说了一句更无奈的说话...:"出年记得抽部数码相机啊!"...好似抽奖根本就掌握系佢手上一样...

今日早上收到表姐电话问我睇唔睇007...系无点考虑嘅情况下 决定去睇睇唔洗钱哦...横掂无聊...又想休息下...虽然对鬼佬戏不嬲都唔算有兴趣甚至曾经睇harry poter都训得着嘅我 今次无训着啊...yeah!!!出戏唔错...一开始场追逐戏已经十分紧张 同时又跳又跌...觉得好痛...倘若系现实中 人 根本无甘"襟"跌...早就死左拉...剧情唔算复杂 演员嘅表现对于我地呢d普通嘅观众黎讲已经收货仲觉得做得几好tim...bond虽然称唔上靓 但系都几charmbond girl...好靓...好靓...by the way...今次系我第一次睇007系列嘅电影想问问系米之前每一集最后嘅对白都系"i’m bond , james bond"嘎???

---

今晚突围行动大结局...估唔到啊进真系死左... 呢出戏死嘅人都真系好多...成出戏最正嘅系米雪 尤其系寻晚果集(24)果句"怕羞挂!"真系贱爆 做得好好...杨思琦一开始嘅时候唔够入戏 但系越做越有"戏"...奸得好!!!其他演员都不过不失 但系好希望徐子珊唔好再怕戏 好烂... 下星期两线剧集都新嘅唔知睇唔睇好 毕竟过年 无乜时间追

谂左好耐唔知应该点整个spaces好而且spaces嘅速度实在太慢太容易死机拉 搞到我勐姜甘最后决定简单d 况且其实我都系blogbus开左好多个blog嘎拉(因为觉得blogbus其实有d模板都几靓)以后讲音乐 讲电影电视歌词之类嘅野都系果几个blog呢度就净系写d生活之类嘅野令到呢度可以简单d......................................................................................................而其他blog嘅地址亦都系最上面嘅标题栏度有连接有兴趣可以睇睇无兴趣就算拉 哈哈哈哈......................................................................................................迟下有时间再搞搞呢度d颜色就正式大功告成拉

呢两日狂听kay系林一峰演唱会做嘉宾唱嘅三首英文歌好正啊!!!kay嘅节外生枝系903嘅网上普选度已经连续四个星期冠军好犀利啊!!!

---

今日睇左两集<东京塔 - 妈妈和我 有时还有爸爸>第一集已经忍唔住喊雅也离开时系车上嘅眼泪 同妈妈系雅也离开后的眼泪
辛辛苦苦为儿子赚钱读书 熬得辛苦但脸上总有笑容日本仔的确有煽情嘅能力 今年睇嘅电车男 女王都有喊...

---

年廿八的饭局...寻日食饭同表姐系度倾
按照常理 呢餐算系"团年饭" 因为人数众多先要分开两围左
但系无理由一家三口会有两个坐左一围 剩翻个仔坐第二围
甘因为表姐带男朋友比我嫲嫲睇 梗要坐一围嘎拉
甘跟住就梗系大仔同二仔嘎拉
连最细个仔都未排到坐呢一围
及时轮到肥婆一家啊 你妈系外嫁女啊
点都讲唔过去拉 仲系度意图分开我同父母坐一围
真系好黑人憎
呢条肥婆真系好黑人憎 一日以为自己有道理
讲唔赢人就用眼泪黎"哒"你
哎...睇佢点衰啊!!!
不过同呢d人系讲唔到道理嘅 一味大声无黎斯文
八婆到死 真系黑人憎到死!!!

完

今日嫲嫲出院 无乜大碍纯粹系之前食左d药10日无大便谷亲...好搞笑 哈哈 无事就最好拉 咔咔

---

年尾特别多"迷信"事件发生听日又话还神哦 哈哈

---

突围行动好紧张啊 虽然知道啊wing系警察但系最后突然跳出黎果一刻都真系吓亲而且死tvb嘅预告都真系好黑人憎根本估唔到剧情但系又好q扣人心弦 表姐睇pb睇到第一季末拉 哈哈 好似开始上瘾嘅感觉拉好想快d睇pb同dh啊!!!死dh先播翻两个星期又停 晕!!! 完

哈哈 好搞笑啊 今日啊妈有个朋友嫁女 本来我都唔去嘎拉点知我老豆今日甘岩又要去考试 无得开餐甘就逼住去拉弊就弊在系去d农村嘅祠堂饮...祠堂d野通常都系煮好晒摆晒系度 张台满人就开始食d野都冻晒拉...而且农村d野我不嬲都唔太岩口味 最后 是但食完 好开心甘走左因为 利市归我 有成50鸡...咔咔 ps 难得有人黎我度留言 但系我真系谂唔到边个系XIAOMING...哈哈如果再黎唔该讲清楚d啊 哈哈哈哈

最新呢两个礼拜都好勤力甘复习为嘅就系可以插本成功不过d野真系好难而且好多 哎...有少少复得太迟嘅感觉复左虽然未必有用 但系唔复真系对唔住自己尽过力 结果点都好 起码都对得住自己 好多同学舍友都开始搵工记得我同佢地话我要考本科嘅时候 佢地问我:"乜你甘中意读书咩?"其实问心 我唔太中意读书 但系我更加唔中意出黎工作第一系文凭唔够 第二系读书起码无甘大工作同经济嘅压力可能钱始终要靠父母 始终系少d 哈哈 系一个时常上开嘅论坛发过贴话复习复得好头晕有个往届嘅大专毕业生叫我出黎做野一路再读书好过拉但系我真系唔想做野住 可以话系度逃避紧 但系可以逃避 我唔怕去逃避况且读书也不是什么丢脸的事 曾经有人问我第日想做d乜 我嘅答案只系:"唔想做老师"尤其实习过后 发现做老师除左系一份工作之外 更多嘅系一份责任我份人唔算好有责任心 但系我唔希望因为我无责任心令到d细路误入歧途况且对于我呢个同同年纪嘅人沟通都有问题嘅人黎讲要同d细路沟通 真系唔容易系度我都想奉劝所有想做或者有意做老师嘅人讲句做老师就要做有责任心嘅老师 好似真矢甘 尽管那是不真实嘅 讲翻第日想做d乜 真系无乜头绪我无乜野心 我当然希望自己有好多好多钱但系如果要选择花好多精力同时间去赚大钱 忙到同屋企人食饭嘅时间都好少定系完成自己工作 摞一份唔算丰厚但系都唔差够食够住够用够买野嘅工资我会选择后者我唔希望因为工作搞到自己好大压力甘当然拉 如果唔洗好大压力又有好多好多钱比我洗我当然都唔会拒绝拉但系有无可能呢?哈哈哈哈哈哈哈哈 今日突然写d甘嘅野 都唔知为乜呵呵 或者呢d先算系"心情"呢一part拉 咔咔!!!